Todas as autorías > Aurora Vidal Caramés
Aurora Vidal Caramés
Biografía
María Dolores Aurora Vidal Caramés (1934) é unha escritora natural de Pontevedra. Criouse entre letras, xa que é filla do escritor Xoán Vidal Martínez e María Josefa Aurora Caramés Monteagudo, sobriña da tamén escritora Aurora Vidal Martínez e irmá da poeta Clementina Vidal Caramés.
Estudou Maxisterio e sempre estivo vinculada ao mundo do teatro. En 1949 representou o papel protagonista dunha obra de teatro da súa tía, Camino de Belén e en 1970 estreouse a súa obra Belén Isleño. Foi destinada a Tenerife como mestra e en 1984 regresou a Pontevedra, onde fundou e dirixiu unha aula de teatro escolar. Tamén formou parte da Coral Polifónica de Pontevedra.
Obras destacadas
- De crepúsculo a crepúsculo (2005, El Taller del Poeta).
- Voz alzada (2009, El Taller del Poeta).
- Páxinas da memoria (2009, El Taller del. Poeta).
- Derradeira proeza do Marqués de Bradomín pola que tomou parte nas súas exequias (2010, El Taller del Poeta).
- Citania (2011, El Taller del Poeta) con Clementina Vidal Caramés.
- Nivaria (2011, Follas Novas).
- Pontevedra. Laranxeiras e limoeiros (2015, Editorial Galaxia).
