Elisabeth Oliveira

Elisabeth Oliveira é unha poeta afincada en Pontevedra, nada na rexión de Lille (Francia) nunha familia portuguesa.

É licenciada en Letras Modernas pola Universidade de Lille III e en Filoloxía Francesa pola USC. No ano 1995 chegou a Galiza e, namorda deste territorio, acabou por asentarse en Pontevedra, onde actualmente exerce como mestra de francés e tradutora.

Publicou o seu primeiro poemario, Poesis, en francés, portugués, galego e castelán, en 2016, con cancións creadas a partir dos poemas, tamén nesas catro linguas. En 2019 publicou Náufragas no mar e na terra e en 2025, As ninguén. Tamén participou en publicación colectivas.