Todas as autorías > Adolfo Caamaño
Adolfo Caamaño
Biografía
Adolfo Caamaño Vázquez (1959) é mestre e escritor, nado en Perdecanai (Barro) e que actualmente vive en Pontevedra. Licenciado en Xeografía e Historia pola Universidade de Santiago de Compostela, comezou estudos de dereito na USC e de Ciencias Políticas na UNED. Desde 1997 é mestre de ensino secundario en Marín.
Colaborou en A Nosa Terra, El Correo Gallego, Faro de Vigo, La Voz de Galicia, as revistas Política Gallega e a Revista do Audiovisual Galego, no diario tras-montano Noticias do Barroso e Atlántico Diario. Tamén foi cofundador da revista de creación literaria pontevedresa Hidromel.
Ademais foi co-organizador da Gallaecia, ciclos de conferencias de temática variada e de exposicións de pintores e escultores galegos e portugueses desenvolvidos en diferentes localidades galegas e do norte de Portugal, e participou nos grupos de traballo dos programas Interreg (da Comunidade Europea) para a posta en marcha no eido cultural da Comunidade de Traballo Galicia-Norte de Portugal.
Obras destacadas
- Poemario irlandés (2000, Espiral Maior), premio de poesía Johán Carballeira.
- Soberano (2004, A Nosa Terra), premio Benito Soto da Asociación de Libreiros de Pontevedra á mellor novela do ano.
- Poemario compostelán (2006), premio Concello de Marín.
- A gueixa no bosque de bambú (2014), premio Manuel Murguía de Narrativa Breve.
- Pinball do Pombal (2015), premio Modesto R. Figueiredo.
- Matar o heroe (2018, Editorial Galaxia), premio de Novela Villar Ponte.
- Derradeiras paisaxes do Conde (2021), premio Modesto R. Figueiredo.
